Imiryango y'abahitanywe na Ebola bafasha abandi izahabwa impozamarira

Icyorezo cya Ebola kimaze guhitana abantu barenga 4500.
Image caption Icyorezo cya Ebola kimaze guhitana abantu barenga 4500.

Leta ya Guinee yatangiye guha amafaranga y'indishyi y'akababaro imiryango y'abantu bapfuye bari mu gikorwa cyo gufasha abarwayi ba Ebola.

Buri muryango w'abakozi bo mu buvuzi 40 barimo abaganga, abaforomokazi, abatwara abarwayi n'abandi uzahabwa amadolari y'abanyamerika agera ku bihumbi icumi.

Benshi mu bakozi bo mu buvuzi bapfuye banduye Ebola igihe bavuraga abarwayi bari bayirwaye.

Imiryango y'abantu bishwe n'abaturage igihe bari mu gikorwa cyo kubakangurira kwirinda iyo ndwara nayo izahabwa indishyi y'akababaro.

Iki cyorezo cya Ebola kimaze guhitana abantu barenga 4500 cyatangiriye mu gihugu cya Guinee.