Abantu 8 bakatiwe kubera video ishinjwa ubutinganyi

Ubutinganyi bufatwa nkaho butajyanye n'umuco mu Misiri. Uwufise ububasha kw’isanamu AFP
Image caption Ubutinganyi bufatwa nkaho butajyanye n'umuco mu Misiri.

Urukiko rwo mu Misiri rwakatiye abagabo 8 igihano cyo gufungwa imyaka itatu kubera ko babonetse muri video bivugwa ko yerekana ubukwe bw’abantu bahuje igitsina (abatinganyi).

Abo bagabo bose uko ari 8 bahakana icyaha cyo gukangurira abantu kwishora mu bikorwa by’urukozasoni.

Iyo video yashyizwe ku rubuga rwa Youtube mu kwezi kwa 9, yerekana abagabo babiri bahana impeta mu bwato bwari mu ruzi rwa Nili.

Nubwo bwose mu Misiri nta mategeko ahana abagirana imibonano mpuzabitsina babihuje ahari, biracyabonwa nka benshi nk’ibitemewe.

Mu mezi ashize igipolisi cyibasiye cyane ahantu hahurira abagirana imibonano mpuzabitsina bahuje igitsina.

Abantu bagendera ku matwara akaze y’idini ya Isilamu nibo bafashe iya mbere mu kwamagana iyo video, bavuga ko kuva aho Perezida Mohammed Morsi aviriye ku butegetsi, gukurikiza umuco byagabanutse.