Amatora mu turere twivanye kuri Ukraine

Uturere twa Donetsk na Luhansk twiyise Repubulika zigenga Uwufise ububasha kw’isanamu AFP
Image caption Uturere twa Donetsk na Luhansk twiyise Repubulika zigenga.

Mu turere twa Donetsk na Luhansk twa Ukraine twivanye ku gihugu kuri iki cyumweru bari mu matora y’umukuru w’igihugu n’abadepite.

Ukraine, Leta zunze ubumwe za Amerika n’Umuryango w’ubumwe bw’ibihugu byo mu Burayi byavuze ko bitazemera ibizava muri ayo matora.

Uburusiya ariko bwo burayashyigkiye.

Uturere twa Donetsk na Luhansk twatangiye kugenzurwa n’inyeshyamba zishyigikiye Uburusiya nyuma y’imirwano ikomeye yamaze amezi menshi ikaza kurangizwa n’amasezerano yo guhagarika imirwano yabereye i Minsk.

Abayobozi b’izo nyeshyamba bavuga ko utwo turere - nk’ibihugu byigenga - tutagomba gukurikiza amategeko ya leta ya Ukraine.

Ngo ni nayo mpamvu tutitabiriye amatora yo mu rwego rw’igihugu yabaye mu cyumweru gishize.