Boko Haram ngo yigaruriye umujyi wa Chibok

Boko Haram  yari imaze igihe ishaka gufata umujyi wa Chibok Uwufise ububasha kw’isanamu AP
Image caption Boko Haram yari imaze igihe ishaka gufata uwo mujyi wa Chibok.

Amakuru ava mu majyaruguru y'uburasirazuba bwa Nigeria aravuga ko umutwe wa Boko Haram umaze kwigarurira umujyi wa Chibok.

Uyu mujyi niwo bashimutiyemo abanyeshuri b'abakobwa bagera kuri 200 mu ntangiriro z'uyu mwaka.

Abahatuye baravuga ko intagondwa zo mu mutwe wa Boko Haram zagabye igitero kuri uwo mujyi ejo none ubungubu ngo zirawungenzura.

Ayo makuru aravuga ko abantu barimo guhunga uwo mujyi. Uwo mutwe wa Boko Haram wari washatse gufata uwo mujyi inshuro nyinshi kuva aho ushimutiye abo bana.

Ishimuta ry'abo banyeshuri b'abakobwa ryamaganywe cyane n'amahanga ariko hashize amezi arindwi ibikorwa byo kureba ukuntu barekurwa ntacyo bigeraho.