Kamarampaka ku bimukira mu Busuwisi

23% by'abaturage b'Ubusuwisi bakomoka mu bindi bihugu Uwufise ububasha kw’isanamu AFP
Image caption 23% by'abaturage b'Ubusuwisi bakomoka mu bindi bihugu

Kuri iki cyumweru abasuwisi bazindukiye muri Kamarampaka yo kugabanya umubare w’abimukira nturenge 0.2% by’abaturage bose.

Ibipimo byuko abantu batoye birerekana ko icyo cyemezo kitabonye ubwiganze bw'amajwi.

Iyo biramuka byemejwe, leta yari kuzagabanya umubare w’abimukira ibihumbi 80 binjira mu gihugu buri mwaka maze ikemerera gusa abatarenga ibihumbi 16.

Abashyigikiye iyi kamarampaka baravuga ko ibi byarengera umutungo w’igihugu.

Abayirwanya baravuga ko byagira ingaruka zikomeye ku bukungu bw’igihugu.

Nubwo umubare w’abashomeri uri hasi mu Busuwisi kandi n’abantu benshi bakaba babayeho neza, benshi mu basuwisi bafite impungenge zuko igihugu gituwe n’abantu benshi cyane.

Abasuwisi barabarirwa kuri miliyoni 8.2 kandi 23% muri bo ni abanyamahanga baturuka ahanini mu bihugu bigize umuryango w’ubumwe bw’Uburayi.