Perezida Kabila yashyizeho leta nshya

Perezida Kabila biravugwa ko ashobora guhindura itegeko nshinga Uwufise ububasha kw’isanamu AFP
Image caption Perezida Kabila biravugwa ko ashobora guhindura itegeko nshinga.

Muri Repubulika iharanira demokarasi ya Congo hagiyeho leta y'ubumwe iyobowe na Augustin Matata Ponyo wari usanzwe ari minisitri w'intebe.

Iyo leta nshya yiganjemo abaminisitri bakomoka mu ishyaka riri ku butegetsi.

Irimo ariko nanone abakomoka mu ishyaka ritavuga rumwe na leta rya MLC ryashinzwe na Jean Pierre Bemba ubu ukurikiranwe n'urukiko mpuzamahanga mpanabyaha rw'i La Haye.

Hari n'abandi batavuga rumwe na leta bashyizwe muri iyo leta nshya.

Ibi bibaye mu gihe bikomeje kuvugwa ko Perezida Kabila ashobora guhindura itegeko nshinga kugirango yongere kwiyamamaza mu matora ateganijwe muri 2016.

Abakurikiranira hafi ibibera muri Congo baravuga ko arimo kugerageza gutatanya abatavuga rumwe na leta ubu ubona nta ngufu bagifite.

Iyi leta nshya igizwe n'abaminisitri n'ababungirije 47 ugereranyije na 36 bari muri leta yari ihasanzwe.