Hafi 50% by'abantu mu Bwongereza bahora ku miti

Imiti myinshi ifatwa n'ivurwa indwara zifata umutima n'imitsi itwara amaraso Uwufise ububasha kw’isanamu Getty
Image caption Imiti myinshi ifatwa ni ivura indwara zifata umutima n'imitsi itwara amaraso.

Kimwe cya kabiri cy'abagore na 43% by'abagabo mu Bwongereza bafata buri gihe imiti bandikiwe n'abaganga.

Ibyo ni ibitangazwa n'ubushakashatsi bwakozwe ku buzima mu Bwongereza n'ikigo kitwa The Health and Social Care Information Centre.

Muri abo, abarenga kimwe cya gatanu mu bagabo na hafi kimwe cya kane mu bagore bafata byibura imiti itatu bandikiwe na muganga.

Imiti ituma amaraso yongera gutembera neza, igabanya ububabare n'ivura indwara zihungabanya mu mutwe (depression) niyo abaganga bakunze kwandikira abarwayi.

Iyo mibare yose ntirimo iy'abagore bafata imiti yo kuringaniza imbyaro cyangwa abafata iyo kubafasha kureka itabi.

Hafi kimwe cya gatatu cy'iyo miti ni ivura indwara zifata umutima n'imitsi itwara amaraso, umuvuduko udasanzwe w'amaraso, n'igabanya ibintu biziba imitsi.

Umuti witwa Simvastatin - ugabanya ibintu biziba imitsi - wandikirwa abantu inshuro zigera kuri miliyoni 40.

Ibi ngo - buri mwaka - bitwara leta amafaranga arenga miliyari 15 z'amapawundi, amafaranga akoreshwa mu Bwongereza.