Muri Kenya haramaganwa itegeko rikaze k'umutekano

Mu mezi ashize ibitero by'iterabwoba byariyongereye muri Kenya Uwufise ububasha kw’isanamu KTN Kenya
Image caption Mu mezi ashize ibitero by'iterabwoba byariyongereye muri Kenya.

Itegeko rishya ku birebana n'umutekano ryaraye ritowe n'inteko nshingamategeko yo muri Kenya rikomeje kutavugwaho rumwe.

Imiryango iharanira uburenganzira bw'ikiremwamuntu n'abadepite benshi baravuga ko bazakora imyigaragambyo niba iryo tegeko ritagize ibihindurwamo.

Iryo tegeko rishya riha ububasha abategetsi bwo gufunga mu gihe gishobora kugera ku mwaka abantu bakekwaho ibikorwa by'iterabwoba.

Rinemerera kandi inzego z'ubutasi gukurikirana ibiganiro mu rwego rw'itumanaho hagati y'abo zikeka zitagombye kubisabira uruhushya mu nkiko.

Iryo tegeko kandi rivuga ko abanyamakuru bagomba kubanza kwaka igipolisi uruhushya mbere yo guperereza ku nkuru no gutangaza inkuru zirebana n'umutekano w'imbere mu gihugu.

Umutwe ugendera ku matwara akaze y'idini ya Isilamu wa Al Shabaab mu mezi ashize wakajije umurego mu kugaba ibitero muri Kenya.