Al Shabaab yagabye igitero kuri AMISOM

AMISOM ivuga ko benshi mu bagabye icyo gitero bahasize ubuzima Uwufise ububasha kw’isanamu Reuters
Image caption AMISOM ivuga ko benshi mu bagabye icyo gitero bahasize ubuzima

Intagondwa zigendera ku matwara akaze y'idini ya Isilamu zo mu mutwe wa Al Shabaab zagabye igitero ku kicaro gikuru cy'ingabo z'umuryango w'ubumwe bwa Afurika zibungabunga amahoro muri Somalia - AMISOM - kiri mu murwa mukuru Mogadiscio.

Umuryango w'ubumwe bwa Afurika wavuze ko abasirikare bawo batatu n'umusivili umwe bakomeretse igihe abarwanyi ba Al shabaab binjiraga mu kigo cy'ingabo zawo kiri hafi y'ikibuga cy'indege mpuzamahanga.

Uwo muryango wavuze ko abenshi mu bagabye icyo gitero bahasize ubuzima. Nyuma y'amasaha abiri kurasana biitangiye, umuryango w'ubumwe bwa Afurika wavuze ko ibintu byasubiye mu buryo.