Sierra Leone: ibyemezo bikaze mu kurwanya Ebola

Ebola imaze guhitana abantu barenga 7000 muri Afurika y'uburengerazuba Uwufise ububasha kw’isanamu Reuters
Image caption Ebola imaze guhitana abantu barenga 7000 muri Afurika y'uburengerazuba.

Mu kugerageza gukumira indwara ya Ebola, leta ya Sierra Leone yategetse ko mu gihe cy'iminsi itatu ntawe uzasohoka mu majyaruguru y'igihugu.

Amaduka, amasoko ntibyemerewe gufungura kandi n'ingendo zidafitanye isano no kurwanya Ebola ntabwo zemewe.

Abategetsi ba Sierra Leone kandi hari ibirori byinshi birebana na Noheli baburijemo.

Abakirisitu n'abayisilamu ntabwo bemerewe guhuriza abantu hamwe mu masengero no mu misigiti muri ako karere cy'amajyaruguru y'igihugu mu gihe cy'iminsi itatu.

Nta n'imodoka yemerewe kujya mu muhanda itabiherewe uruhushya.

Ishami ry'umuryango w'abibumbye ryita ku buzima - OMS - riravuga ko Ebola imaze guhitana abantu barenga ibihumbi 7500 muri Afurika y'uburengerazuba.

Igihugu cya Sierra Leone ngo akaba aricyo cyibasiwe cyane.

Ibindi bihugu Ebola yibanzemo ni Liberia na Guinee.