Abimukira barenga 900 bageze mu Butaliyani

Abimukira bakunze kugerageza kwinjira mu Burayi bakoresheje amato. Uwufise ububasha kw’isanamu Guardia Costiera
Image caption Abimukira bakunze kugerageza kwinjira mu Burayi bakoresheje amato.

Umuryango utabara imbabare mu Butaliyani - Croix Rouge - uravuga ko habonetse imirambo byibura ine y'abimukira bari mu bwato bwatabawe n'abashinzwe kurinda inkombe z'Ubutaliyani.

Abasare babwo - bivugwa ko ari abakora ubucuruzi bwo kujyana abantu mu bindi bihugu ku buryo butemewe n'amategeko - babusize bwitwaye maze barabuta.

Bwari burimo abimukira barenga 900 biganjemo impunzi zo muri Syria.

Ubwo bwato bwageze mu cyambu cya Gallipoli kiri mu majyepfo y'Ubutaliyani. Abimukira bari baburimo ubu bacumbikiwe mu ishuri no mu nzu ikorerwamo imyitozo ngororangingo.