Papa yashyizeho abakaridinali bashya 20

Umuhango wo gutanga ubukaridinali uzaba mu kwezi gutaha Uwufise ububasha kw’isanamu AP
Image caption Umuhango wo gutanga ubukaridinali uzaba mu kwezi gutaha.

Umushumba wa Kiliziya Gatolika, Papa Fransisiko, yatangaje amazina y'abakaridinali bashya 20 barimo abakomoka muri Ethiopia, Tonga na Myanmar.

Muri abo bakaridinali bashya, 15 bari munsi y'imyaka 80 y'amavuko, bivuze ko bemerewe gutora umupapa mushya.

Papa Fransisiko yavuze ko ishyirwaho ry'abo bakaridinali bakomoka mu bihugu 14 kuri buri mugabane byerekana ukuntu Vaticani yegereye abanyagatolika aho bari hose hirya no hino ku isi.

Umuhango wo kuzamura aba basenyeri ku rwego rw'abakaridinali uzaba ku itariki ya 14 z'ukwezi gutaha.

Papa kandi yavuze ko ateganya kuyobora inama y'abakaridinali bose ku itariki ya 12 na 13 z'ukwezi kwa kabiri kugirango bigire hamwe ukuntu ubuyobozi bwa Vaticani bwavugurwa.

.