Ebola yahungabanije ite CAF 2015?

Uwufise ububasha kw’isanamu Getty
Image caption Gutinya Ebola kwatumye Maroc yanka kwakira CAF 2015

Kugeza ku itariki ya 12 z'uku kwezi kwa mbere Ebola imaze guhitana abantu 8,386 mu bihugu 6 hashingiwe ku mibare itangwa n'ishami ry'umuryango w'abibumbye ryita ku buzima.

Cyakora, iki cyago ntikiragaragara muri iki gihugu ndetse Guvernoma ikaba yarafashe ingamba zikomeye zo kugikumira zirimo no kwiyambaza impuguke z'abaganga zivuye mu gihugu cya Cuba.

Buri mukinyi ndetse n'undi munyamahanga wese winjiye muri Guinnee Equatorial agomba kubanza gupimwa Ebola.

Julia Nchama Abeso Ayomo, umukozi wo mu biro bihagarariye iki gihugu i Londres yatangaje ko buri muntu wese winjira muri Guinee Equatorial agomba kubanza gukorerwa ibizamini mu rwego rwo gukumira iki cyorezo.

Ibihugu bya Guinnea, Sierra Leone na Liberia ni byo byashegeshwe na Ebola.

Muri ibi bihugu Guinnea ni yo yashoboye kubona itiki kandi kubigeraho ni ikintu gikomeye urebye inzira yanyuze.

Nta mukino n'umwe wo gushaka itiki iki gihugu cyakiriye kandi abakinyi bahungabanijwe bikomeye n'iki cyorezo.

Ibrahima Traore ukinira ikipe ya Borussia Monchengladbach yavuze ko abakinnyi ba Guinnea bap imwe Ebola bari mu rwambariro mbere gato y'umukino ukomeye wabahuje na Togo.

Avugana na BBC,Traore yagize ati: "Twabibonyemo agasuzuguro. Twabonye ko mu bindi bihugu hari ababona twe Abanga Guinnea nk'aho tutari ibiremwamuntu, batubonaga nk'indwara ubwayo".

"Ibi byose tugomba kubyibagirwa kugira ngo dushobore kwitwara neza muri Guinnee Equatorial. Ni ngombwa ko tubikorera igihugu cyacu ndetse n'abandi bantu bose bakozweho n'iyi ndwara"

"Tugomba kwereka buri wese isura nziza ya Guinea":

"Twahawe amadolari 30,000 nk'ishimwe ry'uko twashoboye kubona itiki. Aya yose nahise nyaha imiryango y'ubutabazi ifasha mu guhashya iki cyorezo. Muri iyi mikino y'igikombe cy'Africa tugomba guhatana twumva ko turwanira abaturage bose bugarijwe na Ebola"