LONI inenga Tanzania n'Uburundi mu bibazo bya FDLR na Congo

Uwufise ububasha kw’isanamu un
Image caption Impuguke za LONI zivuga ko abayobozi ba FDLR bakoreye amana muri Tanzania

Icyegeranyo cy'umuryango w'abibumbye kiravuga ko guhera mu mwaka wa 2013, abayobozi ba FDLR na bamwe mu bashyigikiye uwo mutwe bari i Burayi, bakoreye amanama muri Tanzaniya.

Leta ya Tanzanya yahakaniye abakoze iryo perereza ko hari amanama yabereye muri icyo gihugu.

Tazaniya yavuze kandi ko itigeze yakira inyeshyamba izo arizo zose. Tanzaniya yahakanye ko habayeho gushyikirana hagati y'ingabo za Tanzaniya na FDLR.

LONI iravuga ko yabonye ibimenyetso by'amafaranga yoherejwe avuye muri ico gihugu cy'Afurika y'uburasirazuba ajya muri Congo.

Icyo cyegeranyo kiravuga kandi ko FDLR yagaragaje ubushake buke bwo gutanga intwaro n'abarwanyi bayo mu gihe ntarengwa cy'amezi atandatu cyari cyatanzwe.

Icyegeranyo kiravuga ko FDLR yatanze abasirikare bake n'intwaro nkeya kandi zishaje.

Umutwe wa FDLR washinzwe mu mwaka wa 2000 n'abahutu bahungiye muri Congo nyuma ya jenoside yabaye mu Rwanda muri 94.

Icyo cyegeranyo kirarega n'ingabo z'u Burundi n'umutwe w'Imbonerakure ko zahohoteye abagore muri Kivu y'amajyepfo.

Impuguke za LONI zirasaba leta z'u Burundi na Congo gukora iperereza kuri ibyo birego no kugeza imbere y'ubucamanza ababikoze.