Amashuri yongeye gufungura muri Liberia

Abandura Ebola ngo baragenda bagabanuka muri Afurika y'Uburengerazuba Uwufise ububasha kw’isanamu Getty
Image caption Abandura Ebola ngo baragenda bagabanuka muri Afurika y'Uburengerazuba.

Amashuri menshi yo muri Liberia yongeye gufungura imiryango, nyuma y'amezi atandatu afunzwe muri gahunda yo kugerageza gukumira icyorezo cy'indwara ya Ebola.

Umunyamakuru wa BBC uri mu murwa mukuru Monrovia aravuga ko ku marembo y'amashuri yashyizwe abakozi bafite ibyuma bifata ubushyuhe bw'umubiri w'abanyeshuri n'indobo z'amazi arimo imiti yica udukoko kugirango abanyeshuri bayakoreshe mu gukaraba intoki.

Amashuri menshi yo mu byaro ariko ntabwo yafunguye kubera ko adafite ibikoresho by'ibanze nk'intebe n'amasabune bikenerwa mu kwirinda iyo ndwara.

Amashuri mu gihugu cya Guinee yo yafunguye imiryango mu kwezi gushize.

Muri Sierra Leone ho barateganya kuyafungura mu mpera z'ukwezi gutaha.

Umubare w'abantu bandura indwara ya Ebola ukomeje kugabanuka muri Afurika y'uburengerazuba.