Amahinduka mu buyobozi bw'iperereza mu Burundi aravugwaho byinshi

Hashize igihe gito Perezida Nkurunziza agennye abayobozi bashya b'urwego rw'iperereza. Uwufise ububasha kw’isanamu AFP
Image caption Hari hashize igihe gito Perezida Nkurunziza agennye abayobozi bashya b'urwego rw'iperereza.

Ibiro by'umukuru w'igihugu cy'Uburundi byanyomoje amakuru avuga ko uwari umukuru w'urwego rushinzwe iperereza - General Godefroid Niyombare - yavanywe kuri uwo mwanya kubera icyegeranyo ngo yahaye Perezida Pierre Nkurunziza kimusaba kutiyamamariza indi manda y'imyaka 5 mu matora ateganijwe muri uyu mwaka.

Gervais Abayeho - wungirije umuvugizi w'umukuru w'igihugu - yabwiye BBC ko ari ibindi bijyanye n'imikorere ya minsi yose umukuru w'igihugu yagendeyeho amuvana kuri uwo mwanya.

Yongeyeho kandi ko guhindura abayobozi b'urwego rushinzwe iperereza ari ikintu gisanzwe gishobora kuba igihe icyo ari cyose.

Mubavanywe ku mirimo yabo ni umukuru w'urwego rw'iperereza nyine, General Godefroy Niyombare, uwari ushinzwe ibiro bye (directeur de cabinet), General Leonard Ngendakumana, naho uwari ushinzwe iperereza mu gihugu hagati - Sylvestre Ndayizeye - yahinduriwe imirimo.

Nta n'amezi atatu yari ashize umukuru w'igihugu cy'Uburundi agennye abayobozi bashya muri urwo rwego.