Nyamweru w'umwana yishwe muri Tanzania

Bamwe mu bapfumu batekereza ko ibice by'imibiri y'abanyamweru izana ubukungu
Image caption Bamwe mu bapfumu batekereza ko ibice by'imibiri y'abanyamweru izana ubukungu.

Muri Tanzania habonetse umurambo w'umunyamweru w'umwana wari warashimutiwe iwabo mu rugo mu majyaruguru y'igihugu.

Igipolisi kiravuga ko Yohana Bahati - wari ufite umwaka umwe - cyasanze ahambwe mu pariki y'inyamaswa iri hafi y'iwabo.

Ngo bimwe mu bice by'umubiri we ntibyabonetse. Igipolisi kimaze guta muri yombi abantu babiri gikekaho kuba inyuma y'ubwo bwicanyi.

Mu kwezi gushize leta ya Tanzania yatangaje ko abapfumu batemewe mu gihugu.

Bamwe muri abo bapfumu batekereza ko ibice by'imibiri y'abanyamweru bizanira umuntu amahirwe n'ubukire.

Umuryango w'abibumbye uvuga ko banyamweru barenga 70 aribo bamaze kwicwa muri Tanzania guhera mu mwaka wa 2000.