WHO: Kugabanya indwara zandurira mu nshinge

Inshinge zo kwa muganga Uwufise ububasha kw’isanamu THINKSTOCK
Image caption Inshinge zo kwa muganga

Ishami rya ONU ryita ku buzima - OMS - ryatangije igikorwa gikomeye cyo kugabanya indwara abantu bandurira mu nshinge zo kwa muganga zanduye.

Abantu babarirwa muri za miliyoni bandurira mu nshinge zikoreshejwe inshuro irenze imwe indwara ya Hepatite n'agakoko gatera indwara ya Sida.

Mu murenge umwe wo muri Cambodge, abantu barenga 200 banduriye agakoko gatera Sida mu nshinge zakoreshejwe inshuro nyinshi batewe n'umukozi wo mu buvuzi utemewe na leta.

OMS iragira inama abaganga gutangira gukoresha inshinge zikoreshwa inshuro imwe. Ifite ikizere ko mu mwaka wa 2020 bene izo nshinge arizo zizaba zikoreshwa hose.