Nigeria: Ingabo za Chad na Niger mu ntambara

Ingabo za Chad Uwufise ububasha kw’isanamu AFP
Image caption Ingabo za Chad

Ingabo zo muri Chad na Niger zagabye igitero ku butaka no mu kirere zirwanya umutwe wa Boko Haram mu majyaruguru y'uburasirazuba bwa Nigeria.

Umuntu utuye i Diffa muri Niger yavuze ko yabonye ingabo zijya ku mupaka kare ku cyumweru, nyuma yaho yumva urufaya rw'amasasu y'imbunda zikaze.

Iki nicyo gitero cya mbere kigabwe n'ingabo za Niger imbere ku butaka bwa Nigeria, kuko mbere zarwaniraga mu gace kegereye umupaka gusa.

Iyi ibaye iyindi nzira yo kurwana umutwe wa Boko Haram nyuma y'iminsi mike umuryango w'ubumwe bw'Afrika wemeje umugambi wo gushyiraho ingabo zigera ku bihumbi 8 zo kurwana Boko Haram.