UK yavuye mu gikombe ca Burayi

Uwufise ububasha kw’isanamu AP
Image caption Umunyezamu wa City Joe Hart, ashaka gutega igitero ca Lionel Messi wa Barcelona

Igitego cya Ivan Raktic cyabonetse ku munota wa 31 w'igice cya mbere ni cyo rukumbi cyabonetse muri uyu mukino.

Cyiyongereye kuri 2-1 Barcelone yari yatsinze ku mukino ubanza bityo City isezererwa ku giteranyo cya 3-1 harebwe imikino yombi.

Kuri uyu mukino City yakinye neza cyane ariko amahirwe ntiyayisekera ndetse rutahizamu Sergio Aguero ntiyashobora kwinjiza penaliti yari ibonetse umukino uri hafi kurangira.

City yasezerewe ikurikira Arsenal nayo yari yaraye isezerewe na Monaco yo mu Bufransa.

Ku mukino wo kwishyura Arsenal yatsindiye Monaco ku kibuga cyayo 2-0 cyakora ntibyari bihagije kuko ku mukino ubanza Arsenal yari yatsinzwe 3-1.

Ikipe ya Chelsea nayo yasezerewe na Paris Saint Germain yo mu Bufransa.

Muri ¼ cy'irangiza ,Espagne ni yo isigaranye amakipe menshi kuko ifite 3:Real Madrid ,FC Barcelone na Athletico Madrid . Ubufaransa na bwo busigaranye amakipe 2abuhagarariye :Paris Saint Germain na Monaco.

Ubutaliyani busigaranye mu irushanwa ikipe imwe ari yo Juventus yasezereye Borrussia Dortmund yo mu Budage.

Bayern Munich ni yo isigaye ihagarariye Ubudage na ho FC Porto ikaba ari yo isigaye ihagarariye igihugu cya Portugal.

Urebye amakipe asigaye mu irushanwa, igihugu cya Espagne gikomeje kugaragaza ko gikomeye ku mugabane w'Uburayi na ho Ubwongereza bwo bukaba bukomeje gusubira inyuma mu gihe Ubufransa nabwo bwazamutse kuko butari buherutse kurokora amakipe 2 muri ¼ cy'irangiza cy'iri rushanwa.