Umukecuru w'imyaka 100 wari ufunze yafunguwe

Uwo mukecuru yari afungiwe ku birometero hafi 120 uvuye i Nairobi Uwufise ububasha kw’isanamu AFP
Image caption Uwo mukecuru yari afungiwe ku birometero hafi 120 uvuye i Nairobi

Umukecuru w'imyaka 100 wo muri Kenya yarekuwe nyuma yaho abantu hirya no hino mu gihugu basabiye ko afungurwa.

Margaret Ngima yafunzwe mu cyumweru gishize mu mujyi wa Embu azize gusuzura urukiko nyuma yaho ananiriwe kwishyura amafaranga y'ihazabu agera hafi ku madolari igihumbi kubera ibibazo by'amasambu yari afitanye n'undi muryango.

Asohotse muri gereza amaze kuzuza icyumweru kimwe ku mezi atatu yagombaga gufungwa.

Amafaranga y'ihazabu yasabwaga kwishyura yayishyuriwe n'umusenateri wo mu mujyi wa Nairobi witwa Mike Sonko nawe wari mu gikorwa cy'abasabaga ko arekurwa.

Iri fungwa ry'uyu mukecuru ryaramaganywe cyane ku mbuga nkoranyambaga muri Kenya.