Ibitero by'abiyahuzi ku misigiti i Sanaa

Ibyo bitero byagabye mu gihe cy'amasengesho yo kuwa gatanu Uwufise ububasha kw’isanamu Reuters
Image caption Ibyo bitero byagabwe mu gihe cy'amasengesho yo kuwa gatanu.

Abiyahuzi biturikirijeho ibisasu ku misigiti 2 iri mu murwa mukuru wa Yemeni rwagati, Sanaa.

Abantu byibura 46 bahasize ubuzima naho abandi benshi barakomereka.

Ibyo bisasu byaturitse mu gihe cy'amasengesho yo kuwa gatanu.

Ku musigiti umwe umwiyahuzi yaturikirije igisasu mu kivunge cy'abantu bari baje gusenga maze ikindi giturika igihe banyuraga mu marembo yawo biruka bahunga.

Iyo misigiti yombi igibwamo cyane n'abashyigikiye inyeshyamba z'abashia zizwi ku izina rya Houthi zigenzura umujyi wa Sanaa guhera mu mwaka ushize.

Hari amakimbirane akomeye hagati y'izo nyeshyamba n'indi mitwe yitwaje intwaro ikomeye muri Yemeni irimo n'ikorana na Al-Qaeda.