7 bahoze mu gipolisi cya Hissene Habre bakatiwe

Hissene Habre ashinjwa ibyaha by'intambara n'iby'ibasira inyokomuntu Uwufise ububasha kw’isanamu AFP
Image caption Hissene Habre ashinjwa ibyaha by'intambara n'ibyaha byibasira inyokomuntu.

Urukiko rwo muri Chad rwakatiye abantu 7 bahoze ari abapolisi gufungwa burundu kubera ibyaha by'iyica rubozo bashinjwa kuba barakoze ku butegetsi bwa Hissene Habre.

Abandi batatu nabo bahoze ari abapolisi bahawe igihano cyo gufungwa imyaka 20 bakora imirimo y'ingufu.

Hissene Habre aba mu buhungiro muri Senegal akaba ategereje kuburanishwa ku byaha ashinjwa by'intambara n'ibyibasira inyokomuntu.

Ahakana ko abantu babarirwa mu bihumbi bishwe abandi bagashyirwa ku ngoyi mu gihe yari ku butegetsi hagati ya 1982-1990.

Mu bakatiwe uyu munsi harimo Mahamat Djibrine abakoze iperereza bavuga ko yari umwe muri bari batinyitse cyane muri Chad bashyiraga abantu ku ngoyi.

Harimo kandi na Saleh Younous wahoze ari umukozi wo hejuru mu rwego rwari rushinzwe iperereza rwa Hissene Habre.