Perezida wa Yemeni yaba aherereye he?

Perezida Mansour Hadi yimuriye ubutegetsi bwe i Aden Uwufise ububasha kw’isanamu Reuters
Image caption Perezida Mansour Hadi yimuriye ubutegetsi bwe i Aden.

Hari urujijo ku kumenya ahantu umukuru w'igihugu cya Yemeni, Abd Rabbuh Mansour Hadi, yaba aherereye mu gihe inyeshyamba zimurwanya zikomeje kugenda zisatira umujyi wa Aden yimuriyemo ubutegetsi bwe.

Hari amakuru avuga ko atakiri mu nzu atuyemo muri uwo mujyi nubwo bwose abafasha be ba hafi bemeza ko atahunze igihugu.

Inyeshyamba zizwi ku izina rya Houthi zasezeranyije amafaranga umuntu wese uzamufata. Hari andi makuru avuga ko ministri w'ingabo we yafashwe.

Mbere yaho, inyeshyamba z'aba Houthi zafashe ikigo cya gisirikare gikomeye kiri hafi y'umujyi wa Aden.