Igisirikare cya Nigeria kisubije Gwoza

Gwoza ngo niwo mujyi wa nyuma ukomeye wagenzurwaga na Boko Haram. Uwufise ububasha kw’isanamu AFP
Image caption Gwoza niwo mujyi wa nyuma ukomeye wagenzurwaga na Boko Haram.

Igisirikare cya Nigeria kiravuga ko kishubije undi mujyi uri mu majyaruguru y'uburasirazuba bw'igihugu wagenzurwaga n'umutwe wa Boko Haram.

Leta iravuga ko intagondwa nyinshi zo muri uwo mutwe zaguye mu gitero ingabo zayo zagabye mu mujyi wa Gwoza, muri leta ya Borno, hafi y'umupaka n'igihugu cya Cameroon.

Gwoza bivugwa ko ariwo mujyi wa nyuma ukomeye wari ukigenzurwa na Boko Haram.

Amakuru ataremezwa aravuga ko bishoboka ko muri uwo mujyi ariho habaga abana b'abanyeshuri b'abakobwa barenga 200 bashimuswe na Boko Haram mu mujyi wa Chibok mu kwezi kwa kane k'umwaka ushize. Nta muntu uzi aho baherereye ubungubu.

Muri Nigeria hateganijwe amatora y'umukuru w'igihugu kuri uyu wa gatandatu, itariki ya 28 za kuno kwezi.