Amatora ya Perezida arakomeje muri Nigeria

Perezida Goodluck Jonathan yasabye abaturage kwemera ibiva mu matora. Uwufise ububasha kw’isanamu AFP
Image caption Perezida Goodluck Jonathan yasabye abaturage kwemera ibiva mu matora.

Akanama gashinzwe amatora kategetse ko amatora akomeza kuri kino cyumweru mu duce tumwe kubera ibibazo byatewe n'ibyuma bikoranye ikoranabuhanga rigezweho byandika abatoye kugirango hatagira abatora kenshi.

Habaye kandi n'ibitero bikekwa ko byagabwe n'umutwe wa Boko Haram muri leta ya Gombe byaguyemo abantu barenga 20.

Aya matora y'umukuru w'igihugu bivugwa ko ariyo ya mbere bikomeye kumenya ushobora kwegukana intsinzi kuva aho ubutegetsi bwa gisirikare burangiriye muri 1999.

Perezida ucyuye igihe Goodluck Jonathan ahanganye cyane muri ayo matora na Muhammadu Buhari, wigeze kuyobora igihugu ku butegetsi bwa gisirikare.

Goodluck Jonathan yamutsinze mu matora y'umukuru w'igihugu aheruka.

Ubundi aya matora y'umukuru w'igihugu yagombaga kuba mu kwezi gushize ariko yigizwa inyuma ho ibyumweru 6 kubera ikibazo cy'umutekano muke uterwa n'ibitero by'intagondwa zo mu mutwe wa Boko Haram mu majyaruguru y'uburasirazuba bw'igihugu.