Hadi arashinja Irani guhungabanya Yemeni

Mansour Hadi yari mu nama y'ishyirahamwe ry'ibihugu by'abarabu. Uwufise ububasha kw’isanamu Reuters
Image caption Mansour Hadi yari mu nama y'ishyirahamwe ry'ibihugu by'abarabu.

Perezida wa Yemeni, Abdrabbuh Mansour Hadi, yashinje Irani guhungabanya igihugu cye maze avuga ko inyeshyamba z'aba Houti ari ibikoresho bya Irani.

Ibi Bwana Hadi abitangaje nyuma y'ijoro rya gatatu ry'ibitero by'indege z'ibihugu biyobowe na Arabia Saudite ku birindiro by'izo nyeshyamba.

Arabia Saudite iravuga ko ibyo bitero bizakomeza kugeza igihe umutekano uzagarukira muri Yemeni.

Perezida Mansour Hadi yavugiraga mu nama y'ishyirahamwe ry'ibihugu by'abarabu yaberaga mu Misiri kugirango yige ikibazo cya Yemeni nyuma y'iminsi mike ishize ahunze igihugu cye igihe inyeshyamba zasatiraga umujyi wa Aden yari yarimuriyemo ubutegetsi bwe.

Abanyamakuru bari muri ako karere baravuga ko iyi ari intambara ibihugu byinganjemo abayisilamu b'abasunni birwana na Iran y'abashia babinyujije ku mpande zihanganye muri Yemeni.