Pellegrini ngo niwe ugomba kubazwa ukugwa kwa Man City

Hari abatangiye kuvuga ko Pellegrini ashobora gusezererwa. Uwufise ububasha kw’isanamu PA
Image caption Hari abatangiye kuvuga ko Pellegrini ashobora gusezererwa.

Manuel Pellegrini - utoza ikipe ya Manchester City yo mu Bwongereza, yavuze ko ariwe ugomba kubazwa gukomeza gutakaza amanota kw'iyo kipe muri shampiyona y'umupira y'amaguru muri icyo gihugu.

Pellegrini w'imyaka 61 yagize: " Ni njye bigomba kubazwa kandi ibi byahinduka aruko dutsinze imikino".

Ku cyumweru, Manchester United ya 3 yirahiye mukeba wayo Manchester City ibitego 4-2.

Ugutsindwa kwa Manchester City gushobora gutuma umutoza wayo Manuel Pellegrini yirukanwa.

Hari kandi n'abatangiye kuvuga ko ashobora gusimburwa na Patrick Viera ubu utoza abakinnyi b'iyo kipe batarenze imyaka 21 kandi ko arimo kubyitwaramo neza.

Mu mpera z'icyumweru gishize Chelsea ya mbere yatsinze Queen Park Rangers 1-0, naho Arsenal ya kabiri itsinda Burnley 1-0.

Chelsea iracyari iya mbere ku rutonde rwa shampiyona ikaba irusha Arsenal ya kabiri amanota 7 yose kandi ikaba ifite umukino yibikiye itarakina.

Manchester City niyo yatwaye igikombe cya shampiyona cy'umwaka ushize inganya na Chelsea amanota ariko ikayirusha ibitego.