ONU irasaba ko abimukira batabarwa neza

Amato atwaye abimukira akunze kurohamira hafi y'inkombe z'Ubutaliyani. Uwufise ububasha kw’isanamu Reuters
Image caption Amato atwaye abimukira akunze kurohamira hafi y'inkombe z'Ubutaliyani.

Umuryango w'abibumbye wasabye ko hashyirwaho ingamba zikomeye muri gahunda yo gutabara abimukira barohama bagerageza kwinjira mu Burayi bavuye muri Afurika.

Ibi ONU ibitangaje nyuma yaho hari impungenge ko abimukira bagera ku bihumbi bine bashobora kuba barapfuye igihe ubwabo bwabo bwarohamaga.

Umuvugizi w'ishami rya ONU ryita ku mpunzi, Laurens Jolles, yabwiye BBC ko uburyo buriho ubungubu mu gutabara abimukira baza n'amato budahagije.

Umuryango mpuzamahanga ukurikirana ibibazo by'abimukira - IOM - uvuga ko abimukira 500 bamaze gupfa bagerageza kwinjira ku mugabane w'Uburayi kuva uyu mwaka watangira.

Uyu mubare ukaba wikubye inshuro 10 abatakaje ubuzima umwaka ushize. Kuri uyu wa gatatu, abandi bimukira bageze ku kirwa cy'Ubutaliyani cya Sicily.