Nkurunziza yavuze ko al-Shabaab ari ikibazo k'Uburundi

Impirimbanyi ziravuga ko imyigaragambyo igiye gukomeza.
Image caption Impirimbanyi ziravuga ko imyigaragambyo igiye gukomeza.

Umukuru w'igihugu cy'Uburundi, Pierre Nkurunziza, yabonetse ku nshuro ya mbere imbere y'itangazamakuru mpuzamahanga nyuma yaho haburijwemo igikorwa cyo kugerageza guhirika ubutegetsi bwe.

Avugira mu ngoro y'umukuru w'igihugu mu murwa mukuru Bujumbura, Perezida Nkurunziza yavuze gato k'ukuntu umutwe wa al-Shabaab wo muri Somalia ubangamiye Kenya, Uburundi na Uganda.

Umunyamakuru wa BBC uri mu Burundi aravuga ko atigeze agira icyo avuga ku gikorwa cyo kugerageza guhirika ubutegetsi bwe cyangwa se ikibazo cy'abadashaka ko yongera kwiyamamariza kuyobora igihugu.

Yahise agenda ari mu murongo w'imodoka zirinzwe cyane.

Impirimbanyi zavuze ko zizakomeza imyigaragambyo yamagana icyemezo cye cyo kwiyamamariza kongera kuyobora igihugu ku nshuro ya gatatu mu matora ateganijwe mu kwezi gutaha.