Ayew niwe munyafurika wakinnye neza mu Bufaransa

Andre Ayew yatsindiye Marseille ibitego 10 muri shampiyona y'uyu mwaka. Uwufise ububasha kw’isanamu AP
Image caption Andre Ayew yatsindiye Marseille ibitego 10 muri shampiyona y'uyu mwaka.

Andre Ayew - umukinnyi wo hagati w'ikipe y'igihugu ya Ghana n'ikipe ya Marseille yo mu Bufaransa - niwe watorewe kuba yarabaye umukinnyi mwiza w'umunyafurika muri shampiyona yo mu kiciro cya mbere mu Bufaransa (Ligue1) muri uno mwaka.

Uyu mwanya yawuhataniraga n'umunya Cote d'ivoire Max-Alain Gradel ukinira Saint-Etienne n'umunya Tunisia Aymen Abdennour ukina muri Monaco mu guhiganira igikombe cyitiriwe Marc-Vivien Foe.

Iki gisa nkaho ari cyo gihembo Andre Ayew yegukanye ari mu ikipe ya Marseille kubera ko yavuze ko yifuza kuyivamo iyi shampiyona nirangira.

Ayew - w'imyaka 25 - yatsinze ibitego 10 mu mikino 27 yakiniye Marseille kuva iyi shampiyona yatangira.

Yatangiye gukinira Marseille muri 2007.