OMS igiye gushyiraho ikigega cy'ingoboka cya Ebola

Ebola yahitanye abantu barenga ibihumbi 11 mu mwaka ushize. Uwufise ububasha kw’isanamu AP
Image caption Ebola yahitanye abantu barenga ibihumbi 11 mu mwaka ushize.

Ishami ry'Umuryango w'abibumbye rishinzwe ubuzima ku isi - OMS - riratangaza ko rizashyiraho ikigega cy'ingoboka cya miliyoni ijana z'amadolari.

Icyo kigega kizitabazwa mu guhangana n'ibiza bya Ebola mu gihe kiri imbere.

Umuyobozi mukuru wa OMS, Margaret Chan, yavuze ko umuryango warengewe n'icyi cyorezo mu burengerazuba bwa Afurika.

Kandi waritabajwe cyane, inshuro icumi kurusha ikindi kintu cyose wahanganye nacyo.

Abantu barenga ibihumbi 11 barapfuye bazize icyorezo cyadukiye muri Gunee mu kwezi kwa gatatu umwaka ushize.