Bathily asimbuye Djinit mu kibazo cy'Uburundi

Abdoulaye Bathily asanzwe ari intumwa idasanzwe ya ONU. Uwufise ububasha kw’isanamu Getty
Image caption Abdoulaye Bathily asanzwe ari intumwa idasanzwe ya ONU.

Umunyamabanga mukuru wa ONU yagennye Abdoulaye Bathily kuba umworoshyabikorwa (facilitateur) mu biganiro hagati ya leta n'abamagana icyemezo cya Perezida Pierre Nkurunziza cyo kwiyamamariza kuyobora igihugu ku nshuro ya gatatu.

Itangazo rya ONU rivuga ko Bwana Bathily azakorana bya hafi n'Umuryango w'ubumwe bwa Afurika, Umuryango w'ibihugu byo muri Afurika y'Uburasirazuba n'Inama mpuzamahanga ku bibazo byo mu karere k'ibiyaga bigari (ICGLR).

Yari yitezwe i Bujumbura ejo ku cyumweru.

Abdoulaye Bathily - ukomoka muri Senegal - asanzwe ari intumwa idasanzwe y'umunyamabanga mukuru wa ONU iyoboye ibiro bya ONU bishinzwe Afurika yo hagati.

Asimbuye Said Djinit kuri uwo mwanya w'umworoshyabikorwa mu biganiro ku kibazo cy'Uburundi.

Bwana Djinit yeguye mu minsi ishize nyuma yaho uruhande rw'abatavuga rumwe na leta rumushinje kubogamira kuri leta, rukamusaba kwegura.

Muri iryo tangazo kandi, ONU isaba ko ibiganiro bya politiki byasubukurwa vuba vuba kugirango amatora - yitabiriwe kandi yemewe na bose - abe mu mahoro.