Grenade zahitanye abantu 4 mu Burundi

Mu ijoro ryo kuwa gatanu abapolisi 11 bakomerekeye mu gitero cya grenade. Uwufise ububasha kw’isanamu AFP
Image caption Mu ijoro ryo kuwa gatanu abapolisi 11 bakomerekeye mu bitero bya grenade.

Igipolisi mu Burundi kiravuga ko ibitero bya grenade byahitanye abantu bane naho abagera kuri 30 bagakomereka mu ijoro ryo ku cyumweru.

Ibyo bitero byibasiye imijyi itatu harimo n'umurwa mukuru Bujumbura.

I Ngozi grenade yatewe mu kabari maze ihitana abantu bane abarenga 25 barakomereka.

Mu ntara ya Kirundo naho abantu babiri bakomerekeye mu gitero cya grenade.

Igipolisi kiravuga ko izo grenade zatewe n'abashyigikiye abatavuga rumwe na leta bashaka kubangamira amatora ateganijwe mu minsi iri mbere.

Mu ijoro ryo kuwa gatanu, abapolisi 11 bakomerekeye mu bitero bya grenade byagabiwe icyarimwe.

Mu Burundi hamaze igihe haba imyigaragambyo yamagana icyemezo cya Perezida Pierre Nkurunziza cyo kwiyamamariza kuyobora igihugu ku nshuro ya gatatu.