Gen Karake yatawe muri yombi i Londres

Gen Karake ashakishwa n'ubucamanza bwa Espagne.

BBC yamenye ko igipolisi cyo mu mujyi wa Londres cyataye muri yombi umukuru w'iperereza ry'Urwanda ushakishwa n'ubucamanza bwo muri Espagne bumushinja ibyaha by'intambara.

Igipolisi cyemeje ko itsinda ryacyo rishinzwe gufata abashakwa n'ibindi bihugu ryataye muri yombi General Karenzi Karake ku kibuga cy'indege cya Heathrow kuwa gatandatu.

Kiravuga ko yagejejwe imbere y'urukiko nyuma yo gutabwa muri yombi hakurikijwe impapuro zo mu Burayi zisaba kumufata maze ategekwa gufungwa kugeza kuwa kane.

Gen Karake - wanayoboye iperereza ry'Urwanda hagati ya 1994 na 1997 - arashinjwa kuba yaratanze amategeko yo kwica abantu nyuma ya jenoside yabaye mu Rwanda muri 94.