Visi Perezida w'Uburundi yahunze

Gervais Rufyikiri yahungiye mu Bubirigi. Uwufise ububasha kw’isanamu AFP
Image caption Gervais Rufyikiri yahungiye mu Bubirigi.

Gervais Rufyikiri - visi perezida wa kabiri w'Uburundi - yahunze igihugu avuga ko adashobora gushyigikira icyemezo cya Perezida Pierre Nkurunziza cyo kwiyamamariza kuyobora igihugu ku nshuro ya gatatu.

Gervais Rufyikiri – wahungiye mu Bubirigi - yabwiye televiziyo yo mu Bufaransa - France24 - ko icyemezo cya Perezida Nkurunziza cyo kwongera kwiyamamaza kinyuranye n'itegeko nshinga.

Urukiko rushinzwe kurengera itegeko nshinga rwemeje ko icyo cyemezo gikurikije amategeko.

Yavuze ko hari abamuteraga ubwoba kuva aho avugiye ko adashyigikiye icyo cyemezo.

Umuvugizi w’umukuru w’igihugu cy’Uburundi yavuze ko Bwana Rufyikiri nta wigeze amutera ubwoba.