Mu Burundi amatora ntazitabirwa na bose

Abatavuga rumwe na leta ntibashaka ko Perezida Nkurunziza yongera kwiyamamaza. Uwufise ububasha kw’isanamu AFP
Image caption Abatavuga rumwe na leta basaba Perezida Nkurunziza kutongera kwiyamamaza.

Amashyaka 15 atavuga rumwe na leta mu Burundi aravuga ko atazitabira amatora y'abadepite n'abajyanama b'amakomine ateganijwe ku itariki ya 29 za kuno kwezi.

Muri ayo mashyaka harimo Sahwanya Frodebu, MSD, Sahwanya Frodebu Nyakuri n'urunani rw'abigenga Mizero y'abarundi.

Ayo mashyaka avuga ko icyemezo cy'umukuru w'igihugu Pierre Nkurunziza cyo kwongera kwiyamamaza ku nshuro ya gatatu kinyuranye n'itegeko nshinga n'amasezerano y'amahoro ya Arusha.

Avuga kandi ko atagishijwe inama hashyirwaho amatariki y'amatora.

Abanyapolitiki bo muri ayo mashyaka baranavuga ko mutekano udahagije mu gihugu kugirango habe amatora yizewe na bose.

Amatora y'abadepite n'abajyanama b'amakomine ateganijwe kuba kuwa mbere w'icyumweru gitaha naho ay'umukuru w'igihugu akaba kuwa 15/07/2015.