Urubanza rwa Hissene Habré rwasubitswe

Hissene Habre yanze kuvuga mu rukiko. Uwufise ububasha kw’isanamu Getty
Image caption Hissene Habre yanze kuvuga mu rukiko.

Urubanza rwa Hissene Habré wigeze kuyobora Chad rwasubitswe kubera impamvu zijyanye n'amategeko. Rwashyizwe mu kwezi kwa cyenda.

Bwana Habré - ushinjwa kuba yaratanze amategeko yo kwica abantu babarirwa mu bihumbi mu myaka ya za 80 - yakoze ikimenyetso cy'intsinzi acyerekeza ku bamushyigikiye igihe yasohakaga mu rukiko.

Umunyamakuru wa BBC uri aho urwo rubanza rubera muri Senegal aravuga ko isubikwa ryarwo riciye intege abahohotewe ku butegetsi bwe nyuma yaho berekanye amarangamutima igihe urubanza rwatangiraga bwa mbere kuwa mbere nyuma y'imyaka 16 bagerageza.

Uru rukiko rushyigikiwe n'umuryango w'ubumwe bwa Afurika ruri i Dakar rugomba gushyiraho abandi banyamategeko bunganira Hissene Habre kubera ko yanze kugira icyo avuga mu rukiko maze asaba abamwunganira kutahakandagiza ikirenge.