Amerika n'Ubwongereza ntibyemera amatora yo mu Burundi

Pierre Nkurunziza avuga ko kwiyamamaza kwe gukurikije amategeko. Uwufise ububasha kw’isanamu AFP
Image caption Perezida Nkurunziza avuga ko kwiyamamaza kwe gukurikije amategeko.

Leta zunze ubumwe za Amerika zaburiye Uburundi ko amatora y'umukuru w'igihugu yabaye kuri uyu wa kabiri atizewe kandi ko azatuma leta itagirirwa ikizere.

Ministeri y'ububanyi n'amahanga ya Amerika yavuze ko igiye gusubira mu bufatanye icyo gihugu gifitanye n'Uburundi harimo kudaha impushya za visa abo ivuga ko bafite uruhare mu guhembera umutekano muke.

Ku ruhande rw'Ubwongereza, ministri ushinzwe Afurika, Grant Shapps, yavuze ko leta y'Uburundi yananiwe gushyiraho uburyo bwari gutuma haba amatora yizewe, yitabiwe na bose kandi mu mahoro.

Bwana Shapps yavuze ko kubera iyo mpamvu atemera ayo matora.