British Airways yahagaritse ingendo muri Uganda

Indege ya nyuma ya British Airways izava Entebbe kuwa 03/10/2015. Uwufise ububasha kw’isanamu Reuters
Image caption Indege ya nyuma ya British Airways izava Entebbe kuwa 03/10/2015.

Isosiyete y'indege yo mu Bwongereza, British Airways, yatangaje ko ihagaritse ingendo zayo zijya kandi ziva muri Uganda ngo kubera ko itakizungukiramo.

Indege ya nyuma ya British Airways izava ku kibuga cy'indege cya Entebbe yerekeza ku kibuga cya Heathrow i Londres ku itariki ya 3 z'ukwezi kwa cumi.

Iyi sosiyete ikora ingendo z'indege enye zerekeza Entebbe buri cyumweru.

Umunyamakuru wa BBC, Alex Jakana, aravuga ko ingendo za British Airways muri Uganda zidahendutse nk'iz'ayandi masosiyete y'indege ahakorera.

Aravuga ko indege za British Airways ziva muri Uganda zikagera mu Bwongereza ntaho zihagaze ariko bamwe mu banya Uganda bakaba bahitamo gukoresha indege zinyura mu bihugu byo mu Burasirazuba bwo hagati nubwo bwose ari urugendo rurere.

Mu itangazo yashyize ahagaragara, British Airways yavuze ko ibabajwe n'ingaruka iki cyemezo kizagira ku bagenzi bari baraguze amatike.