Indi ntambwe y'urukingo rwa malaria

Malaria ikomeje guhitana abantu bagera ku bihumbi 600 buri mwaka. Uwufise ububasha kw’isanamu Thinkstock
Image caption Malaria ikomeje guhitana abantu bagera ku bihumbi 600 buri mwaka.

Urukingo rwa mbere rwa malaria rwujuje bimwe mu bisabwa n'amategeko mbere yuko kwemererwa gukoreshwa muri Afurika.

Uru rukingo rwerekanye ko rushobora kugabanyaho kimwe cya kane ubukana bwa malaria mu bana baruhawe inshuro enye.

Urwego rushinzwe imiti mu Burayi rwashyigikiye urwo rukingo nyuma yo kwiga niba rukora kandi niba nta ngaruka mbi rwagira ku buzima bw'abantu.

Uru rukingo ariko ntabwo rufasha impinja kandi umunyamakuru wa BBC aravuga ko ishami rya ONU ryita ku buzima OMS ryayobewe icyo ryakora.

Riribaza niba uru rukingo rwaba rukora neza ku buryo ryategeka ko rutangira gukoreshwa.

Ikoreshwa ry'inzitiramibu n'imiti yica imibu byagabanyije kabiri umubare w'abantu bahitanwa na malaria.

Ariko rero iyi ndwara ikomeje kwica abantu ibihumbi magana atandatu buri mwaka.