Ubushinwa: Abishwe n'inkongi biyongereye

Uwufise ububasha kw’isanamu Reuters
Image caption Inyubako nyinshi zasenyute kubera umuriro

Abantu 44 bapfuye, abandi barenga 500 barakomereka, nyuma y’iturika ry’inzu mu mujyi wa Tianjin,uri ku cyambu mu majyaruguru y’ U Bushinwa.

Abarwanya umuriro bari mu babuze ubuzima bwabo;36 baburiwe irengero. Iturika ryabereye mu nyubako y’amangazini ibitse ibituruka mu rwego rw’ubutabire byateye umuriro ukomeye wabonwaga mu kirere.

Uwufise ububasha kw’isanamu AP
Image caption Umuriro waturitse ufite ubukana bukomeye

Ibitaro byarengewe n’abantu basahak ubuvuzi bw’ibikomere byatewe n’ibirahure byagurukaga mu kirere ndetse n’ibisigazwa by’inzu byasenyutse. Abantu 66 bararembye cyane.

Uwufise ububasha kw’isanamu Reuters
Image caption Imodoka nyinshi zahiye nyuma y'iturika ry'umuriro

Ibiro ntaramakuru bya Xinhua biravuga ko Perezida Xi Jinping yasezeranyije iperereza ryimbitse ku byabaye no guha rubanda “amakuru anyuze mu mucyo”.

Iturika rya mbere ryabaye ku wa Gatatu ahagana saa 23:30 ku isaha yo mu Bushinwa (15:30 ku isaha ngengamasaha ya GMT), nyuma rikurikirwa n’irya kabiri ryari rikomeye kurushaho.

Uwufise ububasha kw’isanamu Reuters
Image caption Benshi bagizweho ingaruka n'umuriro

Ibirahure by’amazu ari mu ntera y’ibilometero bibiri byagurutse, ibiro birasenyuka n’amazu abarirwa mu majana arashya.

Ubukana bw’uyu muriro bwumvikanye mu bilometero byinshi uvuye aho waturikiye, kandi urwego rugenzura ibijyanye n’imitingito muri Leta Zunze Ubumwe za Amerika rwabishyise ku rutonde nk’igikorwa cy’umutingito.

Uwufise ububasha kw’isanamu AP
Image caption Abakora mu rwego rwo kuzimya umuriro ni bamwe mu bahitaywe nawo.

Ikigo cy’U Bushinwa kigenzura iby’imitikingo cyavuze ko ubukana bw’umuriro wa mbere waturitse bwari ku rwego rumwe n’iturika rya toni eshatu, mu gihe uwa kabiri wari nka toni 21.