Amahoro muri Sudani y'epfo

Image caption Perezida Salva Kiir

Perezida Salva Kiir wa Sudani y'epfo, yashyize umukono ku masezerano y'amahoro agamije kurangiza imirwano imaze amezi 20.

Bwan Kiir, wanze gushyira umukono kuri ayo masezerano mu cyumweru gishize, yavuze ko agifite ingingimira kuri ayo masezerano.

Ibyemejwe muri ayo masezerano, biratangira gushyirwa mu bikorwa mu gihe kitarenze masaha 72.

Mu kubahiriza ayo masezerano, ingabo z'amahanga zigomba kuva muri icyo gihugu kandi nta basirikare bazemererwa kuba bari hafi y'umurwa mukuru, Juba.

Bwana Salva Kiir, wokejwe igitutu gikomeye n'amahanga kugira ngo yemere ayo masezerano, azajya muri leta y'ubumwe bw'igihugu na n'umuyobozi w'inyeshyamba, Riek Mashar.

Sudani y'epfo yabonye ubwigenge mu mwaka wa 2011, ariko yakomeje kubangamirwa n'intambara y'isubiranamo kuva mu mwaka wa 2013.