Ihagarika ry’imirwano muri Sudani yepfo

Impande zihanganye ziherutse gusinya amasezerano y'amahoro Uwufise ububasha kw’isanamu AFP
Image caption Impande zihanganye ziherutse gusinya amasezerano y'amahoro.

Umukuru w’inyeshyamba muri Sudani yepfo, Riek Machar, yavuze ko guhera kuri uyu wa gatandatu isaa sita z’ijoro ahagaritse burundu imirwano.

We na Perezida Salva Kiir baherutse gusinya amasezerano y’amahoro ateganyaga ihagarika ry’imirwano.

Perezida Kiir nawe yasabye ingabo ze guhagarika imirwano.

Mu minsi mike ishize mu nkengero z’umujyi wa Bentiu ingabo za leta zakozanyagaho n’inyeshyamba.

Intambara yo muri Sudani yepfo hagati y’abo bagabo bombi imaze guhitana abantu bagera ku bihumbi bibarirwa muri za mirongo naho abarenga miliyoni ebyiri bavanywe mu byabo.