Umutungo wa Gen Diendere wafatiriwe

Gen Gilbert Diendere niwe wari uyoboye abasirikare bari bahiritse ubutegetsi. Uwufise ububasha kw’isanamu
Image caption Gen Gilbert Diendere niwe wari uyoboye abasirikare bari bahiritse ubutegetsi.

Ubushinjacyaha muri Burkina Faso bwafatiriye umutungo ya General Gilbert Diendere wayoboye abasirikare bari bahiritse ubutegetsi mu cyumweru gishize muri icyo gihugu.

Itangazo ry'ubushinjacyaha riravuga kandi ko hafatiriwe n'imitungo y'abandi bantu 13 bakekwaho kuba baragize uruhare muri iyo kudeta n'amashyaka ane ya politiki arimo n'iry'uwahoze ayobora icyo gihugu Blaise Compaore.

Kuwa gatanu, leta ya gisivili yashubijwe ubutegetsi mu ntangiriro za kino cyumweru yasenye umutwe w'abasirikare bashinzwe kurinda umukuru w'igihugu wari wafashe abaminisitiri ho ingwate mu gihe cy'ihirika ry'ubutegetsi.

Abantu byibura 10 baguye mu myigaragambyo yamaganaga ihirika ry'ubutegetsi.