Abatalebani bigaruriye igice cya Kunduz

Ngo hari hashize igihe kinini abatalebani batagaba igitero gikomeye.
Image caption Ngo hari hashize igihe kinini abatalebani batagaba igitero gikomeye.

Abategetsi ba Afghanistani baravuga ko abarwanyi b'abatalebani n'ababashyigikiye bagabye igitero ku mujyi wa Kunduz uri mu majyaruguru y'igihugu.

Ngo hari hashize igihe kirekire abatalebani batagaba igitero gikomeye nk'icyo.

Umunyamakuru wa BBC uri i Kabul aravuga ko izo ntagondwa zigaruriye kimwe cya kabiri cy'uwo mujyi - wa gatanu mu bunini muri Afghanistani.

Hari amakuru avuga ko bashinze ibendera mu rubuga rumwe rukomeye rwaho.

Haravugwa kandi imirwano ikomeye hafi ya gereza nkuru yaho.

Leta iravuga ko yohereje abandi basirikare bo gufasha abari ku rugamba.