Urujijo k'ugenzura umujyi wa Kunduz

Abatalebani baravuga ko bakigenzura Kunduz. Uwufise ububasha kw’isanamu Reuters
Image caption Abatalebani baravuga ko bakigenzura Kunduz.

Muri Afghanistani imirwano irakomeje hagati y'ingabo za leta n'intagondwa z'abatalebani mu mujyi wa Kunduz nubwo bwose leta yavuze ko yisubije uwo mujyi.

Ababyiboneye babwiye BBC ko hari imirwano igikomeje mu mihanda yaho.

Mbere yaho, uyoboye ingabo za leta - wari mu kiganiro cya video n'umukuru w'igihugu, Ashraf Ghani, yavuze ko ubu bari mu gikorwa cyo kureba niba nta numwe mu bateye ukiri muri uyu mujyi.

Yongeyeho ko inzego zose za leta zo muri Kunduz zigiye kongera gukora.

Abatalebani ariko bahakanye ibyo bivugwa na leta maze bavuga ko bagenzura igice kinini cy'uwo mujyi n'uduce tuhegereye.