Kanseri mu bantu barebare

Buri 10cm  z'uburebure ngo zongera ibyago byo kurwara kanseri. Uwufise ububasha kw’isanamu
Image caption Buri 10cm z'uburebure ngo zongera ibyago byo kurwara kanseri.

Abashakashatsi bo muri Swede baravuga ko abantu barebare barusha abandi ibyago byo gufatwa n'indwara ya kanseri.

Abo bahanga basanze ku bantu barangije gukura, buri santimetero 10 z'uburebure zongera ibyago byo kurwara kanseri ho 11% ku bagabo, na 18% ku bagore.

Ubu bushakashatsi - bwakurikiranye za miliyoni z'abantu mu myaka 50 ishize - burasa n'ubwemeza ibyari byaratangajwe n'ubundi bushakatsi nk'ubwo bwakorewe mu Bwongereza.

Icyaba kibitera kugeza ubungubu ntabwo cyari cyamenyekana neza.

Ariko impuguke ziravuga ko abantu barebare baba bafite uturemangingo twinshi (cells) kubera uburebure bwabo.

Ngo kubera ko utwo turemangingo aba ari twinshi rero, biba bishoboka ko hashobora kubonekamo kamwe gafatwa na kanseri.

Abo bahanga baravuga ko abantu banini batagira uturemangingo tunini, ahubwo ko bagira uturemangingo twinshi.

Kanseri ngo ivuka kubera imihindukire y'akaremangingo kamwe kari gasanzwe kameze neza.

Ariko abahanga barasaba abantu barebare kudakurwa umutima n'ubu bushakashatsi ngo kubera ko butavuga ku bintu byinshi bishobora gutera kanseri no kunywa itabi, kunywa inzoga nyinshi n'ibindi.