Afghanistan: MSF yarasiwe ibitaro

Ibitaro bya MSF byarashwe Uwufise ububasha kw’isanamu
Image caption Ibitaro bya MSF byarashwe

Umuryango mpuzamahanga utera inkunga w'abaganga batagira imipaka, Medecins Sans Frontieres, wamaganye wivuye inyuma iraswa ry'ibitaro byawo biri i Kunduz mu majyaruguru yo muri Afghanistan.

Igisirikare cy'Amerika cyavuze ko gishobora kuba aricyo cyagabye igitero cy'indege kuri ibyo bitaro.

MSF yemeje ko abakozi bayo icyenda baguye muri icyo gitero.

Abandi bantu 37 barimo 19 bakorera uyu muryango wa MSF barakomereka cyane.

Uyu muryango w'abaganga batagira imipaka uravuga ko hari abandi benshi bataramenyekana nyuma y'iki gitero cyagabwe mw'ijoro ryakeye.

MSF ikavuga ko ibyo bitero byakomeje mu gihe kirenze iminona 30 nyuma yaho babwiriye Amerika n'abategetsi ba Afghanistan ko ibyo bitaro biraswa ari ibyabo.