Umuyaga 'Patricia' wateye ubwoba bw'imyuzure

Uwufise ububasha kw’isanamu AFP
Image caption Umuyaga ukomeye wiswe Patricia uteje impungenge z'imyuzure muri Mexique.

Perezida wa Mexique yatanze impuruza ko umuyaga ukomeye wiswe Patricia ugiteje impungenge z'imyuzure no gutenguka k'ubutaka mu gihe uzana n'imvura ikaze mu bice bimwe by'igihugu.

Perezida Enrique Pena Nieto yavuze ko Patricia, umuyaga uremereye kurusha indi wabayeho mu gice cy'umugabane wa Amerika, wanonnye bicye ugereranyije n'ibyari byitezwe.

Ikigo cya Amerika cyita ku bijyanye n'imiyaga ikomeye (NHC), cyavuze ko umuyaga ukaze wa "hurricane" wahushye uri ku kigero cya gatanu cy'imiyaga.

Uwufise ububasha kw’isanamu AFP
Image caption Abaturage bimuwe igitaraganya kubera ubwoba bw'imyuzure

Icyiciro gikomeye kurusha ibindi. Icyo kigo cyavuze ko ubu uyu muyaga uri gucubya muri Mexique. Umuyaga wakubise mu burengerazuba bwa Mexique ku wa Gatanu, uzana n'imvura rusenyi, ariko bisa n'aho ibyari byitezwe kononekara byinshi byakingiwe.

Ikigo cya NHC cyavuze ko imiyaga yagabanuye umuvuduko kuri kilometelo 120 ku isaha mu gihe Patricia yacubije bwangu, bituma ijya mu cyiciro cya mbere cy'imiyaga ariko ko uri bukwirakwire ku wa Gatandatu nijoro.

Uwufise ububasha kw’isanamu AP
Image caption Umuyaga Patricia wazanye n'imvura zishobora kwangiza byinshi

Igihe wari ukiri ku nyanja, Patricia yari iri kuri kilometero 325 ku isaha byatumye uba umuyaga ukaze utarigeze ubaho mu gice cy'isi cy'Uburengerazuba.

Abaturage n'abakerarugendo babarirwa mu bihumbi muri Mexique bimuwe bavanwa ku bice by'inkombe mu buryo bw'igitaraganya.

Ubu Patricia iri kwerekeza mu gice cy'amajyaruguru y'uburasirazuba. Ikigo cyavuze ko Leta za Nayarit, Jalisco, Colima, Michoacan, na Guerrero ziri mu kaga ku buryo bwihariye kubera imvura ihateganyijwe ku wa Gatandatu.